Isikhulu sebandla kundawo yaseMasvingo ekhokhelwa nguGandiya uGodfrey Tawonezvi, uvumile ukuthi udaba olunjalo luyaphila. Uthe abazalwane abangaphansi kwesikhulu uChad Gandiya sebekhonzela esikolweni saseLiebenberg eChivhu ngemva kokuba ibandla leSt Cyril Church lihlaselwe nguJohn Tichasvikepi Shumba loyo ongumngane nesiqwaga esilivukela nkonzo umphathi u Kunonga.
“UShumba lonkosikasi wakhe sebehlala eSt Cyril, lapho asebeguqule indlu kankulunkulu bayenza indlu yabo yokulala. Nengane zabo zihlala lapho zisebenzisa ingxenye yenkonzo njengendlu yabo yokulala,” kutsho Tawonezvi.
Uthe uShumba umbuluziswa yibudlelwano alabo loKunonga onobudlelwano obuphezulu nabezepolitiki namapholisa angathandi ukuxhazulula indaba okungezwani kwaseAnglican kakuhle.
“Uyambuluza uthi yena akabambeki ngendaba zobudlelwano bakhe namapholisa nabezombangazwe. Useguqile inkonzo yabangumuzi wakhe,” kutsho uTawonezvi.
Inkonzo yase St Cyril eseChivhu yathathelwa labo abangaphansi kukasikhulu uGandiya liqembu lobudlwangudlwangu elikhokhelwa nguKunonga. Lesi sehlakalo satshiya abazalwane be Anglican bengela ndawo yokukhonzela.
Ukuhluthulwa kweSt Cyril Church kwalandelwa yikuhluthulwa kweyinye inkonzo iSt Francis Church ngenyanga edlule. Abazalwane abekade bekhonzela kulezi ndawo manje sebekhonzela esikolweni saseLiebenberg.
Ukuhluthulwa kwenkonzo zonke lezi kuqhubeke emehlweni amapholisa akade egadlile agcizelele ukuthi uKunonga nguminini wenkonzo zeAnglican kulizwe lonke jikelele.
Isikhulumeli samapholisa asempuma yakweleMashoneni, uBulisani Bhebhe, yena uvikele amapholisa ngokuthi kade belapho kulesisehlakalo ukuyanqabela ukuqhamuka kodlame ngesikhathi kuhluthulwa lezi nkonzo.
Tawonezvi uthe iSt Francis Church selokhe yavalwa ngesikhathi ihluthulwa nyakenye ngenyanga kaMfumfu.
“Inkonzo yaseSt Francis church, ihlala ivaliwe ngoba uKunonga kalabalandeli ngisho labazalwane abangavakatshela lapho. Sathenjiswa ukutshaywa uma singaphindela kuleyo nkonzo,” kutsho Tawonezvi.
Ngenyenga edlule inkunlda yabo mantshi ephakemeyo yanquma ukuba zonke
izakhiwo zebandla lase Anglican empumalanga yelizwe ziphindiselwe ngaphansi kwebandla labazalwane lesikhulu Gandiya. Ngokunjalo akukaphumi isinqumo esiphathelene laloludaba eHalale.
Post published in: News