Ukuvunyelwa kwalowombono kwaba mathupha. Umama wala ekhaya wabala amadodana akhe amane lendodakazi eyodwa. Inye nje indodana ehlala eMbare, inengi lisebenza eGoli. U Leonard usebenza engadidini eKapa, uFrancis uyakha eGoli, ababili labo basebenza kuleliya lizwe.
Use Kapa uzizwa evikelekile njalo ethandwa ngasebenza labo, kodwa ose Goli uthi kuyatshisa njalo uhlala eduze labangane bakhe ukuze avikeleke.
Umnumzana Tsuro wayehlala ethenga ingalo zemota kwele Goli ezithengisa kuleli. Kuthe inengi labanjengaye selivukile, wasecabanga ukutshintsha, usehlela imitshado eminengi ephezulu eGoli lakuleli. Ufuna ukuba lomtshado oginyisa amathe njengabe Goli? Khuluma loTsuro. Ufuna imota eginyisa amathe emtshadweni wendodakazi yakho lokuthi indize emoyeni? Buza uTsuro. Ungumyanga yena, kodwa usefunde ukujabulisa izimbodla.
Izisebenzi ezivela kuleli ziphathwa kabi. Umyeni kamama wabahlanu, ongumakanika, ukweledwa imali yomnyaka wonke. Usezame ngeze ukuyithola. Umqhatshi waphelelwa ngumphako, inkampani yavalwa. Kunzima kakhulu kowokuhamba ukuthi athole usizo lomthetho ngalindaba.
U Harold ubelwisana lemvukuzane yomphimbo okwesikhathi eside. Ubengasakhulumi. Kumaviki ambalwa edlule, uye eGoli esiyakwelatshwa, kodwa imvukuzane ayikuvumanga lokho. Ngemva kwensuku ezimbalwa, uphenduke esesebhokisini.
Kanengi, abakuleli baphenduka ngendlela efanayo. Endaweni yokuthi imali efuneka kangaka ilethe ukuthula, imuli icina isiphakathi kohlupho lokubhadalela abafi ngemali ethusayo yokubaletha ekhaya.
Impilo isengcopheni njalo ayethenjwa. Nxa ikhangelelwe emalini yomntwana oseGoli, eThekwini kumbe eKapa, ohleli efuna umsebenzi, engela bangane kumbe imuli, ephethwe yikwesaba njalo engazi lapho okuzavela khona ukudla, kubanzima ngamandla.
Kumaviki amathathu adlule, angibanga lokuthula. Umakhelwana wethu ngumabona kude njalo utshumayela kakhulu kwabatsha labantwana abancinyane enkundleni yebhola encinyazana.
Bekudlalelwe ibhola labahlanu ngohlangothi lapho, kodwa lamhlanje sokuhlala kulomsindo wezwi lika mabona kude etshumayela ngezipika ezinkulu. Phakathi komkhosi ohlatshwayo lokumemeza, kuzwakala umsindo odabula indlebe womculo wezokholo. Ngidinga ukuvala indlebe ukuze ngilale.
Konke lokhu kudinga isandla somthetho, njalo amalunga enhlanganiso yethu yokuthula lomthetho ayavuma. Ukufela embelekweni akusikulunga. Ukusukumela umthetho kungelakuzonda kumbe ulaka kungcono kakhulu. Kufanele kube lendawo yokuhlala kunye lokuthula kithi eMbare. Kulenkululeko yokuzikhulumela, leyokholo ngempela, kodwa eyami inkululeko iphelela lapho okuqala khona ekamakhelwane wami.
Post published in: News