Izinduna ezibalisela u Nhema, uNyakunhuwa, uBota kunye lo Ndanga zither ziguna ukuvunyelwa ukungabhadaleli umhlaba wezindlu lo, okubangele umsindo omkhulu emhlanganweni wedolobho ngoLwesihlanu olwedlule.
Usosihlalo wedolojaneni leli, u Peter Imbayarwo, ukuvumile ukuthi lokhu kwenzakele, kodwa uthe kangeke atshilwa ingalo ukuze aphe umhlaba lo mahala.
“Kuliqiniso lokhu, kodwa sizakuma ngezinqumo zethu zokuthi wonke umuntu ofuna indawo kufanele ayibhadalele. Ngeke sabapha mahala, kodwa bazobhadala imali engangamatshumi ayisithupha ekhulwini kuleyo obekufanele bayikhiphe. Lo ngumthetho ovele kungqongqotshe kahulumende wezabelo njalo kufanele sime ngawo,” kutsho u Imbayarwo.
Umhlaba lo ubiza imali ephakathi kwe $700 le $850 emalokitshini kawonkewonke, kukanti endaweni eziphezulu kufuneka $1 500.
Ikhansili isithe njalo isizothatha kakutsha izindawo ezingakhiwanga eminyakeni eyisithupha edlule izithengise emkambo wenengi.
“Ezinye izindawo sezihlale okweminyaka elitshumi zingakhiwanga, kungakho sizazithatha sibuye siziphe abantu kakutsha ukuze bazakhele,” kutsho uImbayarwo.
Post published in: News