Iziphathamandla zendebe yeningizimu Africa ngenyanga kaNcwabakazi lonyaka kwele Mozambique eMaputo, zaphoqelela umongameli uMugabe ukuba asuse uMutambara kusihlalo sakhe sokuthatha izinqumo eziphathelene nohulumende womanyano kuleli.
Lesi sinqumo siza ngemva kokuba umsekeli kandunankulu engaselalo ibandla alimelayo kuhulumende wakuleli kulandela ukususwa kwakhe njengomongameli webandla elincane eliphikisayo iMDC ngonyaka odlule.
Umlamula nkuzi wenkinga zakuleli omela indebe yomanyano wamazwe eningizimu Africa umongameli wakwele Mzansi Africa uJacob Zuma wenqaba ukuhlangana nomsekeli kanduna nkulu ngenkathi evakatshele kuleli ethi loyo owake waba ngumkhokheli wabafundi alabandla alimelayo.
Ngokunjalo umongameli uMugabe ufunga aze agomele ukuba angeze kwaba lengqubela phambili kukho konke okuphathelene lesisekelo sombuso uma uMutambara engathathi izinqumo kuhulumende womanyano.
Lokho kungezwani kwadala ukubana umsekeli kandunankulu aphiwe isikhathi nethuba lokukhuluma emhlanganweni wamaqembu ahlaziya ezombangazwe akhangelisisa ngesisekelo sombusazwe, lokhu akuzange kwajabulisa umkhokheli weqembu elincane eliphikisayo uWelshman Ncube owagcina ekhalala lowo mhlangano labalandeli bakhe.
Umhlaziyi wezombangazwe njalo engusikhwicamfundo uMakumbe uthe umongameli uMugabe uzama ukudida undunankulu udokotela Tsvangirai noNcube ngodaba lukaMutambara.
“Umongameli uMugabe usabambelele ku Mutambara ukuba avimbele ukusebenza ndawonye kuka Ncube noTsvangirai. UMugabe ukhakhansela uMutambara ukuze abeyisikhotha mathe sakhe kundaba zesisekela mbuso kuhulumende womanyano,” kutsho uMakumbe.
“UMugabe akazethembi ukuba angathola isisekelo sikaNcube. Uzama ukuvikela ukusebenza ndawonye kukaNcube noTsvangirai kundaba zesisekelambuso bephikisana laye.”
Ngokunjalo uMakumbe uthi uMugabe kuzofanele ahloniphe isivumelwano sendebe yamazwe eningizimu Africa ukuba asuse uMutambara ngokushesha okukhulu kulabo abathatha izinqumo mayelana lohulumende womanyano.
Omunye njalo wabahlaziyi bezepolitiki, uPedzisayi Ruhanya, uthe iqhinga likaMugabe lokugcina uMutambara kuhulumende womanyano ngelokudida labo abaphikisana laye kundaba zepolitiki.
“Kuyabonakala yindlela yokubusa uhlukanisa leyo. UMugabe uyajabula
Omunye wabahlaziyi bepolitiki uGabriel Chaibva uqxeke uNcube ngokukhalakhala ngodaba lukaMutambara lapho asola khona uMugabe ngokuthi yena uvalelwa ngaphandle ngokunjalo umsekeli kanduna nkulu ethola ukuthandwa.
“UNcube kufanele aze lezindaba ezilesisinda. UMutambara ngomunye walabo abathola uhulumende womanyano ngokunjalo kufanele aphatheke kuloyo hulumende. Akunahlandla kusisekelosombuso welizwe kumbe esikahulumende womanyano lapho umongameli avumekilekileyo khona ukuba axoshe umsekeli kandunankulu,” kutsho Chaibva.
Post published in: News