$327,2 trillion, okuphindwe kabili kundleko ezalonyaka.
Imali le igoqela i$250 billion ebekelwe ukuthuthukisa abatsha.
“Lawa ngamaqhinga okuzama ukunika izigilamkhuba zeZanu-PF kusetshenziswa abakuBorder Gezi,” sitsho isikhukumi seMDC uNelson Chamisa.
“Uhulumende akazake abelenhlelo ezithuthukisa abatsha kathesi usefuna iphalamende ivume ukusetshenziswa kwemali kahulumende ngendlela ezisensitha isisyakunhlelo zeZanu-PF. Umbuso lo usunanzelele ukuthi usekelo lwabo kwabatsha aluthakazelelwa yikho esenzanje,” kutsho uChamisa.
Ibandla eliphikisayo lichothoze uhulumende ngokwehluleka ukuthola amaqhinga okwehlisa inflation lokuvuselela kwamankampani.
UHulumende wethule isibopho sokuthi izisebenzi ezihola izigidi ezingamatshumi
amahlanu lane zizakhitshelwa umthelo (tax) ofika kumatshumi amathathu lanhlanu (35%) ekhulwinin lobanje imali abayiholayo ingaphansi komgoqo wobuyanga..
“Lawa ngamanyala sibili nxasikhangela ikakhulu ipoverty datum line esikuzigidi ezingamatshumi ayisithupha lasitshiyagalombili zamadola ( $68 million).
“Uhlelo lwemali lolu luletha ubufakazi bokwehluleka bukahulumende. Kusobala ukuthi uhulumende lo kumele asuswe. Kufuneka uhulumende omutsha ozaphathisana labantu beZimbabwe,” kutsho uChamisa
Abachuphi (CIO) baphiwa imali enengi
By Gift Phiri
HARARE – Uhulumende kaRobert Mugabe igoqela abachuphi ngenyanga eziyisithupha idlalise imali engaba yiZ$4 trillion, ngesikhathi ilizwe lingela mali lizidubekela nje.
Abachuphi (CIO) izuza imali kuofisi kaMugabe njalo kukhangelelwe ukuthi izazuza imali engaba yi$7 trillion. Imali le ayikgangelwa ukuthi isetshenziswa kanjani yiphalamende.
Imali yababachuphi (CIO) iqansa ngesikhathi abasiki nebunda besithi uHulumende ithenga imitshina yokuchupha inkulumo ecingnweni, kuma imeli lokunye okunenginengi.
Ihulumende isiveze sobala ukuthi ufuna ukuchupha inhlelo zezizukulwane zeZimbabwe.
Imali inikwa abachuphi ngesikhathi izibhedlela zingasela mithi, izikolo zingelamabhuku lokunye okunenginengi okuswelakala ezweni.