Kusukela ekadeni, unegi lwabantu beZimbabwe lwaluphiliswa ngumhlabathi.
Ngakho-ke umhlabathi ubuyinsika emplweni yabantu abaNsundu.
Lokhu sokwaguquka ngoba abanengi sebehlala emadolobheni.
Impilo yemadolobheni ibalukhuni ngenxa yokusilela kwendawo yokuhlala lemali engatsholutho eholwa ngabasebenzayo.
Ukuthola umhlabathi bekuqakathekile ngoba iyindlela ephilisa abantu.
Akumangalisi ukuthi udaba lwezomhlabathi lezombangazwe kuyahambelana.
Udaba lwezomhlabathi ngolunye lwendaba ezinengi ezingaphathwanga kuhle sithola uzibuse ngo 1980.
Akula ophikisana lesinqumo sokuthi umhlabathi wabiwe kutsha- abantubakhala ngendlela eyaqhutshwa ngayo loluhlelo.
UHulumende we Zanu PF wathatha iminyaka engamatshumi amabili engakaqhubi uhlelo lokwabiwa komhlabathi.
Lokhu kuzekwenzakala ngaphansi kohlelo lwe ‘fast track’ ngomnyaka ka 2 000.
mbangela yokuqalisa loluhlelo bukuyikuthi iZanu PF yanqotshwa kukhetho lokudinga isisekelo sombuso esitsha.
Ukuhluthunwa kwamapulazi ngaphansi kohlelo lwe ‘fast track’ bekungekho emthethweni njalo kwadiliza imisebenzi yokulima yona ebiletha inotho enengi elizweni.
Kwelalamuhla, ngemva kokuhluthuna amapulazi, abantu sebesifa ngendlala.
Akula okusaphuma emapulazini.
Ababesebenza emapulazini sebabaleka.
Akusela kudla okusathengiswa kwamanye amazwe.
Linile izulu elinengi kodwa iyeza njalo indlala.
Ukudla lendawo yokuhlala yikho okuqakathekeswa ngabantu.
Kungaba loHulumende omutsha indaba lezi yizo ezingamthwalisa amagabha avuzayo.
Ibandla leMDC lithi lona alisoze lamukele isimo esasikhona amapulazi engakaluthunwa.
Njalo lelibandla lithi alisoze lamukele okwenzakala emapulazini ngo 2 000 kuzekube lamuhla.
Indaba zokuhluthunwa kwamapulazi zakhwezwa emadale akuleli, aweSADC laphetsheya.
Amadale wonke afumana uHulumende weZanu PF elamacala okungananzi amalungelo abalimi bamapulazi amakhulu.
Ibandla leMDC lithi ngemva kokhetho, lizahulula loluhlelo:-
1. Ukuphakamisa imisebenzi yezokulima ukwenzela ukuqeda indlala
2. Ukufaka imithetho ehlonipha amalungelo alabo abalempahla yabo.
3. Ukuhlawula labo abalahlekelwa yimpahla yabo kusukela ngo 2 000 kuzekube lamuhla.
4. Ukucwayisisa lokubhala phansi indaba zokwephulwa kwamalungelo abantu lokuzinikela ukuthi kungaphindwa.
5. Ukuphathisa abalimi beqiniso .
6. Ukuphathisa bonke abalimingemali lakho konke okungenza basebenze kuhle.
Post published in: News