Ayabotshiswa amapholisa

Abantu abedlula ikhulu sebemangalele amapholisa ngenxa yokutshaywa lokuvalelwa okungaphandle komthetho.

UKumbirai Mafunda, okhulumela i Zimbabwe Lawyers for Human Rights, ukuvumile lokho, ethi amacala la asethethe isikhathi. “Kumele kuthathe inyanga ezimbili, kodwa sezedlule, kubonisa ukuthi kukhona okungalunganga emthethwandaba.”

Olwela amalungelo oluntu, u Jestina Mukoko, okhokhela i Zimbabwe Peace Project, ufuna imali engange $200 000 kungatsha zikahulumende kulandelwa ukuthunjwa kwakhe e Norton ngoMpalakazi ka 2008.

Kuviki edluleyo iZimbabwe Human Rights Forum ithe amapholisa lamabutho yibo abaphuma phambili ngodlame, njengezikliwi ze Chipangano.

“Abe Zanu (PF) batshaya abantu, belandelwa ngamapholisa lamabutho. Abodlame laba bande ukusebenza labezomvikela ukuhlukumeza abantu,” kutsho uAbel Chikomo we ZHRF.

UMafunda uthi abantu abasawathembi amapholisa ngenxa yenkethabetshabi lobugilimbane.

“Kusobala ukuthi amapholisa awenzi kahle umsebenzi wawo, yikho esebotshiswa nje,” kutsho uMafunda. Asebebophise amapholisa babalisela osebenzela kongqongqotshe kahulumende uJameson Timba, ofuna $250,000 komkhulu wamapholisa u Augustine Chihuri ngokubotshwa kwakhe nyakenye.

Post published in: News

Leave a Reply

Your email address will not be published. Required fields are marked *