Indaba ka Mujuru isiwe kugqwethakhulu

Indaba yokwembiwa kwethuna lika General Solomon Mujuru selidluliselwe kugqethakhulu likahulumende.

Solomon Mujuru
Solomon Mujuru

“Angeke ngathi kumbiwa ithuna leli ngoba ngingakabonisisi bonke ubufakazi bokuthi lokho kwenziwe. Kufanele ngibuke ubufakazi qede ngibeke imibono. Akusinkundla le engathi kumbiwe ithuna,” kutsho imantshi uWalter Chikwanha.

Abemuli ka Mujuru badangele ngempumela le. Bathi bafuna kwembiwe ithuna ngoba ubuciko behlulekile ukuveza ukuthi wabulawa, ngakho bafuna isidumbu sihlolisiswe yingcwethi uDokotela Perumal.

Igqwetha lemuli, u Thekor Kewada uthi inkantolo iveze okunengi kuzulu, kulandela ukuphikisana kwemibono ngokufa kukaMujuru, okuthiwa kwenzwakala umbhobho ukhala.

Amapholisa athi athola inhlamvu ezisebenzileyo ezingabe zadubuka zadala umlilo owambulalayo ngenxa yokutshisa. Omunye omkhulu we ZESA uthi zonke indawo zikagetsi zatsha kungakho umlilo awudalwanga yikudubuka kukagetsi, ephikisa omkhulu wamapholisa u Bethwell Mutandiro.

Post published in: News

Leave a Reply

Your email address will not be published. Required fields are marked *