Okhulumela iManicaland Widows of The War Veterans Association, uMemory Zvidzai, ubuye wethesa abakhulu balelibandla umlandu wokunganaki abafelokazi laba, abasebenza kanzima ngesikhathi sempi yenkululeko.
“Kubuhlungu ukuthi basebenzisa amagama abomke- thu nxa bekhankasa njalo basebenzisa ubuqhawe babomkethu ukuze baqhubeke bebusa. Akulunganga lokho ngoba inengi lethu liyahlupheka ngobuyanga obungelandiswe namhlanje, kukanti abasembu- sweni ngezithuku- thuku, igazi kunye lenyembezi zabomkethu abasinaki thina,” kutsho uZvidzai. Abafelokazi laba bathe bazahlangana losibalukhulu weManicaland, uChris Mushowe, ngethemba lokuthi uzatshela uMongameli Robert Mugabe ngenhlupho zabo.