Inhlanganiso ezilwela amalungelo oluntu kulelizwe aseke akhala ngokuthi impimpi zikahulumende zibonakala zilandela ababalekela udlame lukahulumende.
IPassop itshele iphephandaba leli kuliviki ukuthi uphenyo lwayo luveze ukuthi inengi lalabo abadala ingxabangxoza lapho okubhaliswa khona ubuphepheli ngabantu beZanu (PF) abazakala kakhulu njenga magumaguma kumbe ama rasta.
“Kanengi izikliwi ze Zanu (PF), ababulali kunye labadlwenguli sebehulukumeze izizalwane zaseZimbabwe kwele South Africa abayabe bezama ukuthola amaphepha,” kutsho umqondisi we Passop, uBraam Hanekom.
Uthe izikliwi lezi yizo njalo ezidala ubukhohlakali kulezindawo.
“Kuyethusa ukubona abadlwenguli lezikliwi zizenza iziphepheli kwele South Africa kukanti laba yibo kanye abantu abagcina besolisa abantu beZimbabwe kuleli ngokwenza ububi. Sethemba ukuthi uhulumende wakwele South Africa uzokwenza kube lula ukuthi abantu abanjalo baqhwetshelwe amapholisa ukuze babotshwe,” kwengeza uHanekom.
Post published in: News