Onozindaba abazimeleyo basebenzela abelungu: Ngu Mathema

Usibalukhulu wako Bulawayo, u Cain Mathema, uthi amaphephandaba azimeleyo kufanele aphume aphele kuleli ngoba asebenzela abelungu.

Esidla ubhedu ngesikhathi ekhuluma lephephandaba leli, uMathema, ongomunye walabo abethenjwe nguMongameli Robert Mugabe, uthe amaphephandaba azimeleyo aswele ubuzwe njalo ayingozi kuzibuse welizwe.

‘‘Lawa maphepha awalasabelo kuleli. Athatha uhlangothi njalo angodoli babelungu abangelamahloni. Kufanele athathe okungokwawo adle indlela njengabo BBC le Reuters, ekele ukusihlupha thina,” kubhavumuke uMathema.

‘‘Intatheli zindaba ezisebenzela iStandard, iDaily News lamanye anjalo ziyiziwula ezihola imali engcolileyo. Sengilobe ugwalo ngamaphephandaba la njalo ngiyazi engikutshoyo.”

Uchaze amaphephandaba kahulumende njengalawo aloba ngendlela ezothileyo, eyakhayo njalo ebukekayo, ekhuluma ngendlela ephambula uhlelo lwenguquko yabezindaba.

Ngesikhathi evekatshele eZimbabwe, okhangela ngezamalungelo oluntu kumazwe ommanyano, u Navi Pillay, ugcizelele ukubaluleka kwemithetho ekhulula hatshi ukubopha ezokukhitshwa kwembiko anduba kwenziwe ukhetho oluzayo. Ulaka luka Mathema luvuswe yimizamo yephephandaba leli ukuthola impendulo yakhe ngemibiko ethi ulande abe Evangelical Fellowship of Zimbabwe labe Zimbabwe Council of Churches ukuthi balungiselele umkhuleko wokuthula obuzophawulwa nguMugabe.

Kumalanga asanda kwedlula, omunye umkhuleko wenziwa kulelidolobho, kodwa abasiki bebunda bathi uMathema wala ukuthi uMugabe abekhona, ethi akafuni abelane inkundla lo Morgan Tsvangirai webandla le MDC, obekhona laye. Ukwalile lokho oka Mathema. – TM/ZN

Post published in: News

Leave a Reply

Your email address will not be published. Required fields are marked *