Bobabili bavalelwa ngendlela engasiyo mhla ziku 9 kuNhlangula ngomyaka ka 2005, kodwa bakhululwa ngomnyaka olandelayo, kulandela ukuswelakala kobufakazi obubabphayo enkundleni ye Westgate. Ababili laba babesetheswa umlandu wokubulala omunye weMDC, u Lungile Moyo, lowo owatholakala etshisiwe kwenye yendawo zokudlalela eziseJohannesburg ngo 2005.
U Njani ubalise ngokuhlupheka kwakhe ngesikhathi ehlukunyezwa ngamapholisa akwele South Africa. “Angikaze ngithumbe kumbe ukubulala umuntu empilweni yami. Imantshi yangikhulula, kodwa sengifuna abe Interpol bathathe loludaba ngoba abakuleli behlulekile ukuthola labo ababulalayo,” kutsho umaNjani.
Uthe ukuvalelwa lokhu kwambuyisela emuva kakhulu empilweni, ngoba wehluleka ukuyafunda lapho esethenjiswe ukubhadalelwa esikolo kukanti indlu yakhe yatshiswa yizihlobo zalowo okwakuthiwa umbulele.
Ucele amagqwetha angamsiza ukuze afune imali engangezigidi ezilitshumi lasithupha zemali yakwele South Africa, athe ingahlawula ukuhlupheka kwakhe lokho.
Post published in: News