Ekuqaleni komnyaka umsekeli kaSodolobho omkhulu, uTaurai Demo, wetheswa umlandu wokuthenga umhlaba wokwakhela indlu ngemali yakuleli eyafa ntolontolo, kukanti uSodolobho omkhulu yena ngokwakhe lamanye amakhans-ila akhe babikwa bekhiphe umhlaba emaphephandabeni anduba bawuhuquluze.
Lokhu kwenza ibandla labo le MDC-T lithumele iqula labantu abayisithupha elalikhokhelwa ngummeli wedolobho leChitungwiza kudale lephalamende, uFidelis Mhashu ukuthi liyebaphenya kabanzi ngaloludaba. Impumela yaloluphenyo isasemoyeni.