Mutungamiriri uyu, aimbova akabata chinzvimbo chemumiririri weMDC kuSt Mary’s akaudza pepanhau reZimbabwean masvondo apfuura muhurukuro, kuti danho rakatorwa nedare guru muguta reBulawayo rekuti mutongo wakapihwa nerimwe rematare edzimhosva reHigh Court kudunhu iri, uyo wakatara kuti mutungamiriri wenyika VaRobert Mugabe vadaidzire sarudzo dzevatungamiriri vematunhu matatu muMatabeleland musi wa30 Gunyana usati wadarika, haufadzi uye vanhu ngavasapemberere sezvo mamiriro ezvematongerwo enyika asina kugadzikana.
Sikhala akati bato rake reMDC99 harizi kuzopedza nguva neupfumi hwaro richikwikwidza musarudzo dzisina maturo.
Ruzhinji rwevanhu runoona kuti panoda hurumendeyevanhu inova yatadza kuunzwa nemapato ose ari muhurumende yemubatanidzwa.”
Dare guru iri rakaramba chikumbiro chemukuru wenyika VaRobert Mugabe
icho chaipikisa sarudzo dzekusarudza vatungamiriri vematunhu
ekuchamhembe kweNkayi, kumabvazuva kweBulilima ne Lupane.Matunhu aya
akasara asina vamiririri mushure mekudzingwa kwevamiririri venzvimbo
idzi Abedinico Bhebhe, Njabuliso Mguni naNorman Mpofu vose vanobva
mubato diki reMDC rinotungamirirwa naVaWelshman Ncube.
Sikhala akati bato rake harifi rakaregerera mbavha dzemuZanu (PF)
dzakapara mhosva dzakaipisisa muvanhu vemuZimbabwe kubva mugore
ra1980.
Akakurudzira vanhu vemuZimbabwe kuti varambisise chibvumirano
chakaitwa nemapato matatu ari muhurumende yemubatanidzwa, chekuti bato
rakasarudzwa kuti riongorore kuvhiringidzwa kwekodzero dzevanhu
munyika reHuman Rights Commission risaongorore mhosva dzezvematongerwo
enyika dzakaparwa mumashure mekuumbwa kwehurumende yemubatanidzwa,
kutanga kwa2009.
Post published in: News