Izisebenzi zikahulumende ezithukutheleyo zibikelel iphephandaba leli ukuthi ziphoqelelwe ukuthi zikhiphe imali ehlukeneyo kusiya ngezikhundla zazo emsebenzini.
“Sibanjwe ngamandla ukuthi sikhiphe imali eziphakathi kwe $2 le $20, kusiya ngezikhundla,” kutsho elinye ibutho elisebenzela e sigodlweni se 3 Brigade.
“Mina ngikhitshiswe i$2. Ukwehluleka ukubhadala limali bekungenza ngibizwe njengomuntu weMDC-T. Basithathela imali bengagqize qhakala lanxa sihola ingcosana ngemva kokusebenza nzima.”
Osomabhizimusi bona bathi bakhutshiswe imali abanye bathengiswa impahla ezizasetshenziswa emkhosini lo.
“Bangifune i$300 lezinye zezilimo zami. Bengingelayo enye indlela ngoba ukuwala bekuzongiphendukela kudle ibhizimusi lami sengibizwa ngesitha,” kustho omunye umlimi.
“Ngbone abanye be Zanu (PF) abebekhatshwe yintsha yebandla labo behambela izitolo lapha befuna imali. Kimi bathethe i$200, amanamnede kunye lotshwala”.
“Bathethe lenyama emabhutsha. Kubuhlungu ukuthi sihlala siphiliswa kanje ngaso sonke isikhathi nxa kulomkhosi kahulumende, kodwa asingenze lutho ngoba asilawo amandla okukumisa lokhu,” kutsho omunye njalo usomabhizimusi.
“Thina sitshelwe kwathiwa ukwehluleka kwethu ukukhipha imali, okudalwe yimali encinyane esilayo, sokusenze safakelwa amehlo njalo inkampani yethu izathathwa,” kutsho omunye ophethe ibhizimusi eMutare.
Post published in: News