I Zanu (PF) le MDC zibanga amanzi omgodi

Lindawo evutha amalangabi ngezombusazwe isibuya yaba yinkaba yodlame, lapho abasekeli bamabandla e Zanu (PF) le MDC beqwaqwazane bebanga amanzi omgodi we Unit D ngempelaviki edluleyo.

Abasekeli laba abavela ku Ward 15, ekhokhelwa ngu khansila u Idah Mafunga, baze balanywa ngomela inkaba yekomithi ye Zanu (PF), u Lloyd Bhunu.

“Umgodi wembelwa ukuqeda uhlupho lwamanzi kulindawo njalo awusi we Zanu (PF) kumbe iMDC,” uBhunu utshele abalwi laba.

Omunye wabalandeli be MDC uvumile ukuthi akusikwakuqala ukuthi abasekeli bama bandla la baphalane ngenxa yamanzi la.

“Kuke kwenzakala lokhu nyakenye njalo kusaqhubeka njalo lalonyaka. Kukhona asebethusele ukubulala emgodini.”

Umsindo uqale ngemva kokuba abanye be Zanu (PF) bale ukuma emzileni obumude wamanzi babuye bathi abe MDC bafuna ukukha bodwa amanzi.

“Amanina e Zanu (PF) yiwo aqale umsindo ngokutshela inkokheli zawo ukuthi abeMDC bafuna ukuzisebenzisela bodwa amanzi la,” kutsho omunye obelapho.

U Nicholas Chikoto we Zanu (PF) laye ukuvumile ukuthi kuke kwaliwa.

“I MDCs icabanga ukuthi umgodi lo ngowayo ngoba yiyo eyawembayo njalo yiyo ebusa lapha,” kutsho yena.

Umongameli Mugabe uselaye abantu ukuthi beke udlame basebenzele ukuthula, kodwa abalandeli bakhe abakakulaleli lokho. Ukuswelakala kwamanzi eChitungwiza sokwenze abahlali baphile ngemigodi.

Post published in: News

Leave a Reply

Your email address will not be published. Required fields are marked *