Ibandla le Zanu (PF) selande ukusebenzisa intsha elodlame ukuthi yethusele abantu bemaphandleni, yabuye yagoba izinduna ukuthi zenze abangaphansi kwazo ziyisekele.
Ugwalo oluphawula ngohulumende womanyano lona luthi inkokheli zamabandla ombusazwe kufanele zizimisele ukulwa lodlame kunye lokungaphatheki kwezinduna kwezombangazwe.
Ekhuluma emkhosini wokubungaza ukumunyiswa kwabantwana emhlabeni wonke jikelele, esikolo esiphezulu se Rio Tinto kwele Mhondoro, unduna Mashayamombe uthe umphakathi kumele uxwayane lodlame njalo wenze izinto zawo ngokukhulu ukuthula.
“Sikhathele ngodlame kwelentshona-Mashona, kungakho ngithi aluphele lapha khathesi,” kutsho induna.
Induna icele uzulu, ikakhulu inkokheli zezigaba, ukuthi aze azofunda okutsha ngokuvumela ukwehlukana kwemibono ngezombusazwe.
Post published in: News