Owaphakathi kwalelibandla utshele leliphephandaba ukuthi uChamisa usephawule ukuthi bonke abakhulu beziqinti abesebexotshiwe kulelibandala babuyiselwe ngokuphazima kweso.
Umsiki webunda lo, wengeze njalo wathi lokhu kungumzamo wokuthi kwenqatshelwe ukhetho olutsha eziqintini, obeluzavula njalo ukuqhekezeka kwebandla leli.
“Ngicabanga ukuthi ubone sobala ukuthi ukhetho belungayikuba luhle lapho kulungiselelwa ukhetho olukhulu lwezwe ngomnyaka ozayo,” kutsho umsiki webunda.
Wengeze wathi izikhundla ezinengi eziqintini lapho abakhulu bazo behluleke ukufaka abantu abatsha ukuvala izikhala lezi.
U Chamisa yena uthe ibandola lakhe liphakathi kohlelo lokuvala lezi zikhala libuye libone ukuthi ukhetho lwamalunga amatsha azokuba ngonobhala.
“Senza okusesimisweni sebandla, ukuvala izikhala ezikhona njengezivumelwano sethu emhlanganweni omkhulu webandla,” kutsho uChamisa.
Uthe lokhu kuyaqhubeka ezweni lonke jikelele njalo sokuqinise ibandla leli ngamandla. UChamisa uthe usebhekane njalo lokulwisana phakathi kwebandla obesokuzodala ukuqhekezeka.
Uward 14 eZengeza, edoloheni lase Chitungwiza, akalamuntu ngemva kokuba obemele lindawo ebefakwe ngegunya ngusihlalo walesi siqinti, u Isaac Kambeva. Omkhulu waleliqembu kulindawo utshelel leliphephandaba ukuthi bekukhethwe umuntu ngendlela eyiyo, kodwa uKambeva, ngesimiso sikammeli wedale lephalamende, uAlexio Masundire, wakuphendula lokho ngokuzikhethela owakhe amthandayo. “Sambuza ngalokho, kodwa wathi isiqinti silamandla okukwenza lokho.
Walile njalo ukuthi ukhetho lubanjwe kakutsha. Khathesi asisayi emhlanganweni njalo konke lokhu kusibulalela ibandla lethu,” kutsho omunye walelibandla.
Uthe ukukhethwa kwabangane lokuthengwa kwamavoti sokuyinsakavulela umchilo wesidwaba kulelibandla eChitungwiza, wengeza wathi imizamo kaChamisa eminengi yokukulungisa lokho ibisitshaye phansi.
Post published in: News