Inengi lalabo neglibulawa ngamazinyo elehluleka ukukhokhela odokotela abazimeleyo eMutare ngoba izibhedlela zikahulumende zingelayo imithi lemitshina efunekayo. Odokotela abazimeleyo bona babiza imali engange $30 kusiya ku $45 ukuhlola umuntu nje kuphela, kukanti kuyimali engaphansi kwe $2 ukusuka emngceleni we Machipanda usiya e Chimoio Provincial hospital.
U Tendai Madzeka (25) ovela e Burma Valley uthe useluhambile loluhambo okwesikhathi eside kakhulu. “Angisebenzi njalo kuyangidulela ukubhadala lapha kwelakithi. Kubangcono kimi ukuya eMozambique lemuli yami ngoba kungconywana,” kutsho uMadzeka.
Akutshiloyo kuvunyelwe ngu Chris Hama (33) ovela e Vumba, yena othe welatshwa ngcono kakhulu esibhedlela sase Chimoio kulasekhaya.
“Awumi kakhulu emzileni ulindile njalo ungaze uhambe sikhathi bani, welatshwa ngokukhawuleza langobunono obukhulu kakhulu kulalapha ekhaya.” UDokotela Pedro Ali, ongomunye wabalaphi eChimoio ukuvumile ukuthi isibhedlela lesi sibhunga izizalwane zakuleli.
“Beza nsukuzonke abe Zimbabwe befuna usizo, kodwa siyenelisa ukubelapha ngoba sithola usizo kuhulumende labasizi bangaphandle. Silakho konke okufunwa ngabaguli,” kustho u Ali.
Post published in: News