Abakhulume lephephandaba leli bathe sebehamba ngokwesaba emigwaqweni.
“Bengisebenza njengomthathi zithombe ngesikhathi kubungazwa omubi kakhulu, lapho iqula labantwana abadukileyo langivimba ngisiya ekhaya. Ngaze ngasebenzisa amasondo omtshina wami wezithombe ukuze ngizilwele,” kutsho enye intatheli zindaba.
Omunye umama yena uthe abantwana laba baphezu kokufuna kakhulu ubucwebe.
“Ngahlaselwa liqembu labafana abane elathatha ubucwebe bami bentamo. Ngethuka ngaba ngumhlanga. Banengi asebedlule kulokho,”kutsho u Tsitsi Muzenda.
Abantwana besikolo labo badla luklubhu.
“Bafuna kakhulu ukudkla. Asisadli emgwaqweni ngoba bayajwamula babaleke. Asingenze lutho ngoba basethusela ngokusitshaya,” kutsho ofunda ekolijini.
Obunye bobucwebe obuhluthunwayo bona buthengiswa emikambo yase Avondale.
“Abathengisi balapho yibo abathenga lokhu okuntshontshiweyo. Abanye bathuma abantwana babo ukuze bayentshontsha bazobapha,” kutsho u Ratidzai Muchenje.
UDavid Chidende we Youth Information and Education for Behaviour Change Trust, uthe kuyadingeka ukuthi uhulumende abheke uhlupho olubhekane labantwana bokuduka.
“Abakwenzayo kubi, kodwa kufanele njalo uhulumende abone ukuthi bayanakekelwa labo laba bantwana. Uhulumende kufanele akhulise uguatsha lwezokondliwa kahle kwabantwana ukuze lezingane zithole indawo yokuhlala,” kutsho uChidende.
Post published in: News