Indoda ekhulume lathi ithe lemfe katshukela iyasetshenziswa ukuthenga ucansi kulindawo. “Bengingela mali ngoba engibasizayo bathenga ngomumbu esikhathini esinengi njalo ngemva kwensuku. Ngapha omunye wamabele endlela la isakazana lempuphu ngemva kwesikhatshana sika cansi,” kutsho lubaba.
“Izakhamizi zase Chikombedzi ezinjengami zikuthola kunzima ukugcina imali, kungakho sigcina umumbu ukuze sithole ucansi kumabele endlela la.”
Iphephandaba leli lithole ukuthi amabele endlela amanengi afuna impuphu engange 5kg ukuze alale lamadoda kulindawo ngoba umangoye uselala eziko kulindawo.
“Senza lokhu ngoba umumbu uyasilela kulindawo njalo awukho ezitolo,” kutsho u Shalati Baloyi, othengisa umzimba.
Abe Zimbabwe Vulnerability Assessment Committee ngombiko wabo, bathi iMasvingo ngenye yezindawo ezatshaywa yinkwankwa eyatshiya abantu abayisigidi lamakhulu amane befuna ukuphiwa ukudla.
Ezinye izakhamizi sezize zalobolisa amantombazana azo ngomumbu othile kumbe inkomo. Imali ayitholakali kungakho ukutshintshana izinto sokuvamile. Isithembu laso sesiyinsakavulela kulindawo. Inengi lemuli lilezingane ezilitshumi kusiya phezulu.
Izakhamizi zona zithe azitholi usizo olweneleyo kuhulumende kumbe abavela ngaphandle. Ophethe lindawo, u Felix Chikovo, utshele intatheli ukuthi uhulumende kufanele aphe abantu laba amathani alikhulu lasitshiyagalolunye amahala omumbu, kodwa inengi lesaba ukuthi iZanu (PF) izazidlela konke.
Post published in: News