Abe ECAZ bathi ukuvikeleka kwamakhansila la, asexotshwe kubandla lawo ngenxa yobukhohlakali kuyisibonelo sokuthi ungqongqotshe kahulumende wezabelo, u Ignatius Chombo, ngeke athembeka.
Bebhalela u Chombo mhla ziku 4 ngenyanga yonale, abe ECAZ ngommeli wabo u wezomthetho, u T Madamombe, bathe indlela uChombo aphathe ngayo loludaba iyasolisa.
“Ukuvikela abaxotshiweyo endaweni yokuzama ukuthola lokho abakwebayo kuyinsindabaphenduli. Lokhu kukhulisa umbono wokuthi ufuna ukusebenzisa laba abakhohlakeleyo ukuze udonse intambo,” kutsho ingxenye yencwadi le.
Abe ECAZ bathi ukuba njengongqongqotshe, u Chombo bekufanele avuse udaba lobukhohlakali anduba lokho kwenziwe libandla le MDC ngoba esazi ngcono ngendaba zikahulumende wezabelo.
Baphikisane lomutsho ka Chombo wokuthi ukuxotshwa kwamakhansili akusindaba yabongqongqotshe bakahulumende ngoba eseke wakwenza yena ngaphambilini ngentando yakhe.
“Okokuqala, akuqathanise phakathi kwesinqumo sogatsha lesabongqongqotshe nxa lokhu okubili kwehlukene. Uwaxotshe kanjani amakhansila amanye nxa usehluleka ukuxotsha la? Sibonise imininingwana yonke yabongqongqotshe bakahulumende eyakuvumela ukukwenza lokho kusukela ngomnyaka ka 2000.”
Bathe uChombo usezama ukulwa loludaba enkantolo ngoba efuna ukuvikela ubukhohlakali bakhe.
Post published in: News