“Ngenye imini ngenyanga ka Nhlangula ngo 2008, ngadonselwa emkhankasweni we Zanu (PF) owawusemavinkilini alapha. Usuzaphela umhlangano ntambama, bangitshela ukuthi ngisale emuva.
“Ngaphoqelelwa ukuthi ngingene emoteni ebigcwele intsha ye Zanu (PF) ebihlala endaweni yakithi. Ngakhitshiswa izigqoko, kwathi iyembe yami ngavalwa ngayo ubuso. Sesifike emgodini wezokwembiwa yeMhakwe, ngaphoselwa endlini emnyama, ngatshaywa kakhulu ngamadoda amahlanu. Babengitshayelela emdulini ngisopha kakhulu. Ngangithi ngizokufa ngoba babengithwalise nzima kakhulu bethi ngingumthengisi.
“Bathi bangozingtshaya ngize ngife. Ngaqaleka okwamahola athile, kwathi sengivuka ngazibona sengisendlini elabantu abayisitshiyanga-lombili, belele echibini legazi. Abathathu babo babengo makhelwana bami. Sagcinwa lapho okwamaviki amathathu. Ngangisegehena, ngitshaywa kakhulu. Ngagula, kodwa angaze ngelatshwa.
“Ngangikhathazekile kakhulu ngemuli yami njalo ngizibuza ukuthi kwenzakaleni ngayo. Izilkiwi lezi zazilochuku njalo zisincitsha amanzi okwamalanga. “Mhla ziku 27 Nhlangula, abanye abantu beza lapho engangibotshelwe khona sokufanele ngikhululwe, bathi kangigijime kakhulu, ngakwenza lokho ngisesaba ukudutshulwa emuva.
“Kwakumnyama njalo ngingazi ukuthi ngiyaphi, kodwa ngagijima ubusuku bonke. Ngedlula izindlu ezinengi kakhulu, kodwa ngangingeke ngafuna uncedo ngoba ngisesaba ukuhlangana lezikliwi leziya ezangithumbayo. Ngafika ekhaya ekuseni ngathola imuli yami iphephiIe. Kodwa ngangigula kakhulu njalo angizange ngisile. Ngatshaywa yimbeleko ngenxa yokucabanga kakhulu.”
Post published in: News