Omela iMDC-T njengokhansila kulindawo, u Themba Munkombwe, ukuvezile lokhu.
“Akula kudla kwezigulane labomama abalindeleyo eLusulu. Inengi labomama lihamba umango omude lisiyakhululeka, kodwa liphendukiswa ngoba isibhedlela lesi singelakudla. Inengi ligcina seliswele okokudla,” kutsho uMunkombwe.
Uthe imizamo yakhe yokusiza omama laba lezinye izigulane ngoludla ivinjwe ngamapholisa akulindawo kunye labongikazi.
“Njengokhansila walindawo, ngitholele omama laba ukudla, kodwa amapholisa angivimba ukubapha, ethi ngikwenza lokho ngendaba zepolitiki.”
Wengeze wathi isimo sibi kakhulu esibhedlela lesi. “Akucaci lutho kuleyandawo. Abantu baphekela egcekeni,” kutsho yena.
Ikhansila le ithe isibhedlela semibheda elithumi lesi sesilalisa abedlula amatshumi amahlanu abafuna ukukhululeka, abanye babo bengabahambe umango ongangamakhilomitha angamatshumi amane evayo. Ngenxa yokugcwala kwalindawo, uzulu usakhe njalo indlu yomdaka yokuthatha abanye abantu.
Umongikazi walapha omunye ukuvumile ukuthi kulensumansumane kulindawo, ebangelwa yikuswelakala kokudla.
Post published in: News