Incwadi evele kokhangela ngezemali kahulumende ithe uhulumende ukhiphe imali eyedlula izigidi ezinhlanu ehambisa izikhulu, ephosa iphinde kabili izigidi eziphosa zibe ntathu, lezo ebezibekelwe lokho. Uhambo phakathi kwelizwe lwedule amakhulu ayisithupha amadola phezu kwaleyo ebibekiwe yesigidi esivayo.
Umphathintambo wezemali, uTendai Biti, uthe esethula umnotho phakathi komnyaka, waletha indlela ezinengi zokwenqabela izinto ezinjengalezi, ethi ukuvakatshela ngaphandle kuqeda imali efanele isetshenziswe ukuthuthukisa izigaba ezimqoka, njengezempilo, imfundo, ukuvikeleka, ukwakha umphakathi kunye lokulima.
Ngomnyaka odlule, umongameli Robert Mugabe wedlulise imali abeyibekelwe ukuhamba ngekhulu elilamatshumi amathathu lantathu ekhulwini emalini yakhe yokuhamba engangezigidi ezilitshumi lanhlanu.
Ngalowomnyaka, ungqongqotshe kahulumende, u Morgan Tsvangirai, ubesebenzise kuphela izigidi zamadola ezintathu lamakhulu ayisikhombisa, okungamatshumi ayisithupha lane ekhulwini kumali yakhe ebiyizigidi ezinhlanu zamadola.
Incwadi efanayo ibonise njalo ukuthi ezembiwayo zehle ngengxenye yesigidi emalini ebikhangelelwe yezigidi ezilitshumi lanye, kanjalo legwayi, ebelikhangelelwe kumakhulu ayisitshiya ngalombili zenkulungwane zamadola. Uhulumende ukhuphe isigidi phose lamakhulu amabili amadola.
Post published in: News