“Leliqinga lenzeka lathi singalindele. Kwenzeka ukuthi ngomunye uMgqibelo lapho sivakatshele lapho okulahlwa khona amaqanda. Saqala sidlala ngokudobha lawo maqanda sihamba lawo ngakithi, samangala ngosuku olulandelayo sithola ukuba amaqanda lawo asecacadekile aba ngamatsiyane aphilileyo. Phakathi kwamaqanda angamatshumi amahlanu ebesiwatholile kwakuphume amatsiyane angamatshumi amathathu,” kutsho uTakudzwa.
Lesi sehlakalo sadala ukuba behlalo njalo nje sebevakatshela kuleyi ndawo besiyadinga amaqanda alahliweyo.
“Sijwayele ukudobha amaqanda ngolwesihlanu emini masiphuma esikolweni. Lokhe saqala ukudobha lawa maqanda sethola amatsiyane esawondla abazinkukhu ezedlula amakhulu amahlanu. Lezi nkukhu siyazithengisa ezinye siyazi siyazigcina ukuze zincedise kuzidingakalo zemindenini yethu,” kutsho uTakudzwa.
“Imindeni yethu layo isikhona ukuba ike idle inyama yenkukhu,” kutsho uPanashe.
Laba abafana bathengisa itsiyane elilosuku olulodwa lichamiselwe ngemali engange ngxenye yendilitshi yasemelika. Inkukhu eyodwa yona ibiza indibilitshi zasemelika eziyisikhombisa. Labo bafana babonga abazali babo abasiza ngokudla kwamatsiyane lezinkunku.
“Sithanda ukwedlulisa okukhulu ukubonga kubazali bethu ngokusifundisa ukwenakekela inkunku namatsiyane ethu. Okwamanje sesizimele kikho konke ngemva kokuba besixhase kanzima ngesikhathi siqala leli bizimisi,” kwengenze uTakudzwa.
Uyise kaTakudzwa, uEdison Munemo, uchaze ingane yakhe njengomfana osebenza kanzima okhangelele ukuba ngosomashishini omkhulu kusasa. “Selokhe waqala loluhambo lwezinkukhu uTakudzwa akabuyeli emuva.
Bengicabanga ukuthi uzodinwa kuloluhambo lwakhe kodwa ungikhombisile ukuba uyindoda emadodeni engakhona ukumela imuli nasebunzimeni.”
Wengeze wathi imali ethola kala ekuthengisweni kweyinkukhu izoncedisa kundleko zesikolweni nezinye ezidingo zasemndenini.
Post published in: News