U Prisca Dausi (25) wafelwa ngumkakhe ngomnyaka ka 2008, lapho u Mashizha athunjwa khona esigodlweni sebandla lakhe ngabacatshangelwa ukuba ngabombutho kahulumende. Izidumbu zababili ayethunjwe labo zatholakala budebuduze lezitolo zase Ziko, ko Seke. Esika Mashizha sona sanyamalala unomphela.
Ababili laba bebelabantwana ababili ndawonye.
Ngemva komnyaka, umlandeli we Zanu (PF) othiwa ngu Gibson ovela e Epworth, udlwengule u Dausi lapho esikha amanzi ebusuku.
“Wathi kangimbhadale idola ukuze ngithole lamanzi, kodwa ngala wahle wangeqela wangiwisela phansi, lapho angidlwengula phambi kwendodakazi yami ebileminyaka emine. Ngawuhlaba ngawulawula kweza abanye abahlali balapha bazongihlenga, kodwa wayesekwenzile lokho,” kutsho uDausi.
Loludaba lwamangalwa emapholiseni amusa esibhedlela sase Parirenyatwa lapho incwadi yavela isithi wayedlwenguliwe, kodwa owakwenzayo kenziwanga lutho enkantolo.
Okudumaza u Dausi yikuthi uhlala ebona umenzk wecala lo ezihambela phose nsuku zonke.
Ngomnyaka ka 2010, ngemva kukahulumende womanyano, UDausi wadlwengulwa njalo ngamapholisa njalo kazi ukuthi uyise wendodakazi yakhe eleminyaka emibili engabe engubani.
UDausi wathola ucingo oluvela emapholiseni luthi kayephendla ezidunjini zemotshi yesibhedlela sase Marondera, bethi omunye angabe engumkakhe.
“Ngifika endlini kwakulepholisa elaligqoke ezomsebenzi lamabili ayegqoke ezawo, angitshela ukuthi umnkami angabe engomunye walabo abaseMarondera njalo bathi kangihambe labo.”
Sisendleleni babelokhe bengipheka ngemibuzo ngokuphatheka kwami kubandla le MDC-T. Sathi nxa sisuka e Epworth, saqonda e Mabvuku ngahle ngaqala ukungabethembi lapho sebengibuza ukuthi ngitholani ku MDC. Ngesikhatshana omunye wabuza ukuthi kufanele kwenziweni ngami”
Bamhlaba ngosungulo alucabangela ukuthi yinaliti waquleka.
“Angisakhumbuli ukuthi kwenzakalani ngemva kwalokho ngoba ngavuka ekuseni sengisenkambeni yamapholisa ye Harare Central. Ngangisopha ngamakhala ngasiwa esibhedlela sase Parirenyatwa lapho engedluliselwa kwabadudzayo,”
UDausi wazithola esezithwele ngemva kwesikhatshana.
“Omunye umama engikhonza laye wangiphathela ezokhuhlola ngokuzithwala ngazithola ngikhulelwe. Wathi ngingamangali ngoba esesaba ukuthi ngingahlukunyezwa kumbe ngibulawe.
Ungomunye walabo abangakatholi sizo kubandla le MDC-T ngemva kokufa kwamadoda abo.
“Ngathola usizo ebandleni ukuze nginakekele ingane yami, kodwa lutho oluvela kuMDC. Ngifisa kakhulu ukuthutha kulindawo ye Epworth ngiye Endaweni engcono kodwa angilayo imali yokukwenza lokho njalo isimo singenza ngiphile engozini kanje,” kutsho u Dausi.
Post published in: News