Hukave hupwati pwati uswa nemiti zvichibarika.
Kurwisa hondo yemhashu yakange yoparadza zvirimwa nesango.
Nenguva isipi mhashu dzikadzvamuka.
Asi veropa dete zvakave zvimukuyu.
Ko zvatakabika doro sekutema kwenyu?
Kutenda imi varikumhepo.
Sei nhasi, kurega tichibayiwazve nepfumo rerukonye?
Rukonye rwaparadza mbesa muminda.
Honai miviri yonhuhwa rufu.
Simba rekurwisa pfumo iri razunzwa nenzara.
Misodzi yakapwa, kuchema zvimukuyu zvegore remhashu.
Nhasi kwangova kutarisa mitumbi yarakatira nedunhu.
Post published in: Arts
This is wonderful and powerful. The language is rich and the poem is packed.