I Chipangano isisaziwa ngokwenza okubi okunjengodlame phezu kwalabo abaphikisana le Zanu (PF) kuminyaka embalwa edlule.
UMuchinguri, ongomunye wabe Joint Monitoring and Implementation Committee (Jomic), eyabunjelwa ukuhlaziya ukulandelwa kukahulumende wommanyano sika 2008, ukhulume lokhu etshela onozindaba ngoMvulo.
“Ngikhumbula omunye umlingani we MDC evuma kimi ukuthi abebandla lakhe labo bayayisebenzisa iChipangano uma lifuna ukujezisa abanye babo. Kwenziwa ngamabandla wonke njalo iChipangano iyabhadalwa,” kutsho uMuchinguri.
Kodwa uthe kufanele babotshwe laba abeChipangano.
“Kuyasihlupha ukusebenza kweChipangano njalo kumele babotshwe bonke abakuyo. Umthetho kufanele usebenze njalo sikutsho lokho siyi Zanu (PF).”
Uthe amabandla kufanele asebenze ndawonye kulokhu. I Chipangano, egama litsho isivumelwano, yetheswa amacala okuhlukumeza abantu lokuthathela imali labo abathengisayo eMbare.
Usosihlalo we Jomic, uThabitha Khumalo we MDC-T, uthe intsha yabo, ebalisela oyikhokhelayo, u Solomon Madzore,. Ikhathazwa ngamacala angekho okubulala ipholisa, kukantii akulanto enziwa ku Chipangano.
U Frank Chamunorwa, we MDC ekhokhelwa ngu Welshman Ncube, uthe kuyadingeka ukuthi abahlali bakuleli bavikelwe.
Post published in: News