Ugwalo lwezimiso zokusebenza kwamapholisa akuleli, olwe Police Act kunye lemithetho yezisebenzi zikahulumende, ikwenza kube ngaphandle komthetho ukuthi laba bangenele kwezombangazwe. UChiwetu, osaselipholisa, utshele izakhamizi ukuthi uzoguqula indawo yabo lapho enganqoba.
“Ngithanda ukulitshela ukuthi ubuyanga benu benu buzophela nxa nginganqoba kukhetho. Bonke abantwabenu abayeka izikolo ngizabangenisa esibuthweni lesipholiseni ngoba ngilentambo engizidonsayo njengepholisa elikhulu. Ngingumngane omkhulu njalo lomlawuli wamabutho, u General Constantine Chiwenga njalo ngizakusebenzisa lokho ukungenisa intsha efunayo esibuthweni,” uChiwetu utshele abangaba ngamatshumi amahlanu.
Wethembise njalo abesifazana balapha ukuthi bazothola imali kuZanu (PF) ngokuhlabela ingoma ezibonga lelibandla, abazasizwa ukuziloba.
“Zonke ingoma zokubonga iZanu (PF) ezilotshwe lapha sezincindezelwe emsakazweni lakumabona kude. Njengalabo abazilobayo, lizathola imali ngemisebenzi yenu, ukuze libone ukuthi iZanu (PF) iyabakhathalela abantu.”
Abesintwana bathenjiswe njalo ezokulima ezinjengenhlanyelo lomquba wesilungu, kukanti uChiwetu ubezobasiza njalo ekufuyeni inkukhu.
“Angifani labanye abezombangazwe abakhethayo. Njalo ngizosiza amadoda ukuze afuye ingulube zenkazatho. Ngalokho ngithanda ukucela amadoda ukuthi aqale amaqula abalitshumi kusiya phezulu ngalinye ukuze afuye ingulube.”
Induna uLovemore Zenda ‘Svosve, ucele uzulu ukuthi avotele uChiwetu kukhetho lweZanu (PF) oluzayo. “Mvoteleni lonke ngoba uyindodana yethu ezalwa kulindawo. Angasimela ngendlela eyiyo njalo engasolisiyo.”
UChiwetu uzancintisana lo Lawrence Katsiru and u Tsitsi ongumka Sydney Sekeramayi kukhetho lweZanu (PF) lolu.
Post published in: News