Amanye amabhanga alalolu hlupho ngathi Interfin, Royal kunye le Zimbabwe Allied Banking Group.
“Kusukela ekuseni, abaphatha izimali emabhanga bebethatha izimali kuphela, bethi labo abafuna imali bazoyiphiwa kuphela nxa sokutholakale enengi. Angazi ukuthi ngizokuthini ngoba bengifuna ukuthathela abantwabami eyesikolo,” kutsho u Robert Ncube, ogcina imali e ZABG.
Omunye obeka imali yakhe e Royal, uNigel Marange, uthe wehlulekile laye ukuthola limali lapho eyifuna.
“Ngize ngeviki ephelileyo ngisuka eNkayi, ngilethemba lokuthi ngizothola umholo wami, kodwa lutho! Nxa ngisiya ebhanga bathi ayikho imali. Akukuhlanga ke lokho njalo sengisesaba ukuthi lokhu kungamemetheka kufani lokwake kwenzakala phambilini, lapho imali yake yaba yilihlo lentwala.”
Post published in: News