Ukubhonjwa kwamawofisi eDaily News ngomnyaka ka 2001 kube yisikhumbuzo sokuthi umsebenzi lo awukhuselekanga ngoba okufanayo kungenzakala njalo.
“Abezindaba sebezithiba kakhulu ngoba besesaba ngenxa yemithetho. Sesibone ukubotshwa kwabonozindaba kuminyaka elitshumi lambili edluleyo. Onozindaba nxa befuna izindaba sebebuyiselwa emuva ngoba bayazi ingozi engaba lapho, kukanti ezinye izindaba zigcina sezizifela nje,” kwengeze oka Makumbe.
Uthe njalo ukwesaba kuntathelizindaba kukhulisa ubukhohlakali kungatsha zikahulumende. “Izindaba ngobukhohlakali azisalandelwa ngoba intatheli ziyesaba kakhulu ukuthi zinganyamalala kukanti amawofisi awo angatshabalala.”
Intatheli ezinengi kuleli zivumile ukuthi sezifaka ukuphepha kwazo phambi kwezindaba eziqotho, ikakhulu lezo ezithinta abakhulu bezombangazwe labombutho.
Post published in: News