Ngenyanga kaMpandula, ikhansila inxuse abantu ukuthi baloje ezitolo ezingamatshumi amahlanu lambili ebezilojiselwe abalandeli laba libandla leZanu (PF) ebelisabusa kulindawo. UChombo uphange wathi leso sinxuso siphanjulwe njalo izitolo lezo zithengiselwe labo abaloja kuzo.
“Lingakhupha labo Bantu, ngizakulwa lani, lalapho lisebenzise indlela zomthetho,” kutsho uChombo. Umsekeli kasodolobho, u Amen Mpofu, uthe ikhansili ayingezihluphe ngalokho okutshiwo ngu Chombo.
“Izitolo lezo ngezikakhansili njalo asingezithengise mahlayana kanjalo. Sikuzwile ukuthi abanye balababantu abaloje kuzo bavikelwa ngumphathintambo ngoba bengabe Zanu (PF),” kutsho uMpofu.
Akusikwakuqala ukuthi uChombo alwe loBulawayo, okhokhelwa yi MDC-T, nanku ngomnyaka ka 2008 uBulawayo wala imizamo kaChombo yokuzama ukuzikhethela abalandeli be Zanu (PF) njengamakhansila avikelekileyo.
Post published in: News